„Промоција на филм преку трејлер – Монтажа и специфики“ беше темата на работилницата што македонскиот монтажер Атанас Георгиев ја одржа на ФДУ во Скопје, во рамките на програмата „Синематик“. Студенти од филмската акaдемија можеа да научат повеќе за трејлерите како форма која многу помага за промовирање на филмовите. Георгиев прикажа повеќе трејлери од домашни филмови на кои работел како монтажер – „Илузија“ од Светозар Ристовски, „Плати и жени“, како и од култниот „Боречки клуб“ на Дејвид Финчер и зборуваше како должината и изгледот на трејлерот зависи од тоа каде и пред која публика се промовира филмот. Со три кадри од славниот „Париз, Тексас“, за кој Вес Андерсон ја освои „Златната палма“ во Кан во 1984 година, објасни како ефектно да се монтира трејлер со кој се кажува се за филмот.

Асоцијацијата на филмски професионалци на Македонија во рамките на програмата „Синематик“ му врачи награда за животно дело на култниот француски монтажер Жак Вита. Наградата во вторникот му ја врачи поранешниот амбасадор на Македонија во Франција, Јордан Плевнеш.
“Полесно му е на еден монтажер да манипулира со сликите и со звукот, отколку со зборовите. Се сеќавам на мојот престој во Македонија, на пречекот што ми беше направен, на работата, на средбата и на соработката со исклучителни луѓе (мислам на Владо Цветановски, Јордан Плевнеш и други). Признанието што ми го доделивте денеска многу ме радува и го оживува ова чувство” – изјави г-динот Жак Вита за наградата.
Жак Вита е француски монтажер кој почнал да работи на монтажа на игран филм во доцните 50-ти години на минатиот век. Монтирал повеќе од 60 играни филма и работел со значајни француски филмски режисери, како Клор Бери и Џин Бекер, но е најмногу познат по соработката со Кшиштоф Кишловски, која започна со „Двојниот живот на Вероника“ и продолжи со „Три бои: Сино“ и „Три бои: Црвено“. Жак Вита освоил награди за монтажа на француските филмски награди „Цезар“ во два наврата: во 1984 година за „Убиствено лето“ и во 1994 година, за „Три бои: Сино“. Инаку, Вита се потпиша на монтажата на филмот „Јас сум од Титов Велес“ на режисерката Теона Стругар-Митевска, продуциран во 2007 година.

Холандскиот филм „Чисти раце“ во режија на Тјебо Пенинг ја доби наградата за најдобра монтажа, што ја додели програмата „Синематик“. Наградата ја добива монтажерот Филип Равое. Тричлено жири го избра најдобриот филм од понудата на европски филмови во соработка со платформата „Ај он филмс.“ Во рамките на програмата за краток филм, наградата за најдобриот филм од аспект на монтажа замина кај Владимир Радовановиќ за филмот „мирна крв“ во режија на Сенад Шахмановиќ од Црна Гора. Францускиот режисер Тиери Себан беше гостин на програмата „Синематик“ со промоција на својот прв долгометражен филм „Псевдоним“. Фестивалот „Синематик“ му врачи „Специјално признание“ за неговото прво долгометражно остварување.
Распоред на проекции:
СРЕДА 7.12.
19 ч. – Проекција на „Псевдоним“ ( Pseudonym) во режија на Тиери Себан (Франција, трилер, 1 ч. 14 мин.)
21.30 ч. – Проекција на „Лицемери“ (Pretenders) од Вало Тоомла (Естонија/Литванија/Летонија, психолошки трилер, 1 ч. 42 мин.)
ЧЕТВРТОК 8.12.
17.30 ч. – Блок кратки европски филмови избрани од повеќе од 600 филмови пристигнати на повикот за краток филм на „Мобил фестивал“ („Весела песна“ од Танос Психогиос, „Самец во Лондон“ од Ким Бејтс, „Косачот“ од Лук Морду, „Намуртено момче“ од Решан Фернандо, „Полноќната смена“ од Андреас Киријаку, „Мирна крв“ од Сенад Шахмановиќ, „20 удари“ од Димитар Димитров и „Устата на лавот“ од Алфонсо Гарсија Лопез)
19 ч. – проекција на „Чисти раце“ (Clean Hands) во режија на Тјебо Пенинг (Холандија, 1ч. 48 мин.)
21 ч. – проекција на „Заминување дома“ (Go Home) во режија на Жихан Чоуаиб (Франција, Швајцарија/Белгија/Либан, 1 ч. 38 мин.)

Седмиот „Мобил фестивал“ продолжува со тридневна програма „Синематик“ која ги става во фокус филмските монтажери. „Синематик“ ќе опфати четири проекции на долгометражни филмови во соработка со Eye on Films од Франција – платформа за поддршка на први и втори играни филмови на режисери.
Во рамките на оваа програма Асоцијацијата на филмски продуценти на Македонија ќе додели признание за најдобриот филм. Ќе бидат прикажани по два филма во двата дена, во Џебното кино во Младинскиот културен центар, од 19 и од 21.30 часот.
Програмата ќе почне на 7 декември во 19.00 ч. со проекција на филмот „Псевдоним“. Специјален гостин е режисерот Тиери Себан, кој по прикажувањето на филмот ќе одговара на прашања од публиката. Во вториот термин вечер ќе биде прикажан филмот „Лицемери“ од Вало Тоомла. Влезот е бесплатен.
Во рамки на „Синематик“ на 12 декември ќе биде одржана и работилница за монтажа, насловена „Онлајн промоција на филмски трејлери“, која ќе ја води монтажерот Атанас Георгиев.
„Мобил фестивал“ почна како прв Меѓународен фестивал на филмови снимени на мобилен телефон во Македонија. Во изминатите седум години се обидува да фати чекор со времето и технологијата. Програмата „Синематик“ се надоврзува на оваа мисија и од годинава сака да им оддаде почит на монтажерите за нивната работа и да се осврне на постпродукциската работа на филмот, посветеноста, иновативноста и квалитетот во областа на филмската монтажа и постпродукција.
Асоцијацијата на филмски професионалци на Македонија во рамките на оваа програма му врачи награда за животно дело на култниот француски монтажер Жак Вита. Наградата во вторникот му ја врачи поранешниот амбасадор на Македонија во Франција, Јордан Плевнеш.

Филм за загадувањето „Зошто?“ на Мурат Жерка добитник на наградата „Ратка Илиевска-Лале“

Скопје, 27 ноември – Со големо задоволство Ве информираме дека 7.издание на „Мобил фестивал“ успешно заврши синоќа во Кинотеката на Македонија, со доделувањето на наградите на најдобрите филмови снимени со мобилен. Претежно млада публика, дел од нив автори на филмовите, дел љубители на филмот, ја проследи церемонијата, а имаше прилика да види и избор од филмови што пристигнаа на повикот за учество на фестивалот.
Тричлено жири ги избра најдобрите автори по пет категории. За наградите одлучуваа: Ванчо Мираковски, монтажер, Дамјана Ивановска, филмолог од Кинотеката на Македонија и Сребра Ѓорѓијевска, новинарка. Сите учесници добија благодарници.
Фестивалот годинава се одржа благодарение на поддршката од Агенцијата за филм на Република Македонија, Град Скопје, МЕПСО, Кинотеката на Македонија, Младинскиот културен центар. Исто така, голема благодарност до двата партнери на „Мобил фестивал“ – Мобилната иновативна мрежа (МИНА) и директорот Макс Шлесер и Меѓународниот филмски фестивал за филмови снимени со мобилен од Сан Диего, САД и основачот и директор Сузан Ботело.Во рамки на седмото издание беа одржани две работилници за стоп-анимација, едната за деца во соработка со фестивалот „Синедејс“, а другата во соработка со СУ „Јосип Броз Тито“. Беа прикажани и два детски филма во Кинотеката на Македонија, од германска и холандска продукција. Организатор на „Мобил фестивал“ е КТ Филм и Медиа.
Еве ја листата на наградените филмови:
Наградата за најдобар филм „Ратка Илиевска- Лале“, која се состои од стипендија што ја доделува Универзитетот за аудиовизуелни уметности ЕСРА од Скопје
Why? – режија Мурат Жерка
ЗОШТО? е прашањето кое го поставува овој филм, а кој со својата социјална ангажираност успешно му нуди одговор на гледачот. Филмот одлично го поставува проблемот со загадувањето, денес особено актуелен, а и нуди успешен приказ на невиноста на децата и наближувањето на опасноста која се наѕира во мечето што носи гас-маска.
Линк до филмот: https://www.youtube.com/watch?v=PSmEG3ndwVs
2.Награда за најдобар филм во домашната програма „Млади Таленти“
„Рекурзија“ – режија Анастасија Стејси Точевска
„Рекурзија“ е интензивно мистично-филозофско обмислување на себепостоењето на човекот. Во облик на прашање и одговор, младиот човек изгубен среде шумата го добива „знаењето“ за себе, за своето постоење. Авторката успешно ја изведува приказната во мистичен сетинг и на гледачот му го подарува „знаењето“ што го добиваат само избраните луѓе.
3.Награда за најинвентивен филм
Sonar / „Сонар“ – група уметници од Филмската академија Баден-Виртемберг во Лудвигсбург, Германија
Мрачен, инвентивен и оригинален филм
4.Награда за најоригинална приказна
One, Two, Monologues / „Еден, Два, Монолози“ – режија Блерина Гоце од Албанија
Социјално-анагажираниот документаристички пристап на авторката искрено ја претставува бедата во која живеат цели маргинализирани семејства во Тирана
5.Награда за најдобра идеја
„Bubbles don’t Lie“ / „Меурчињата не лажат“- режија Штепан Етрих од Чешка
Одлична комедија која со добрата идеја и успешното темпо за претставување на комичните елементи нема да го остави рамнодушен гледачот.
Работилница за стоп анимација
Датум: 13.11.2016
Локација: Младински културен центар

Дел од работната атмосфера на првата работилница одржана во рамките на Мобил фестивал, посветена на најмалите љубители на подвижните слики. Заедно со аниматорот Крсте Господиновски, учеа како можат да изработат стоп-анимација со пластелин. Работилницата беше наменета за најмладите и имаше за цел да ја насочи нивната бескрајна креативност кон процесот на создавање на анимиран филм во техниката стоп анимација. Тие меѓу другото, научија како да осмислат и создадат ликови од пластелин, како да ги направат функционални за анимирање, и на крајот како да ги анимираат. Ликовите ги анимираа на претходно спремен сет за снимање-анимирање.
Раболницата се реализираше во соработка со фестивалот на европски филм „Синедејс“.
Работилница „Преку апликација до стоп анимација“ Датум: 22.11.2016
Локација: Гимназија „Јосип Броз Тито“ – Скопје

Вредните средношколци од „Јосип Броз Тито“ учеа за стоп-анимација и со помош на апликација за смарт-телефон создадоа куси видеа. Под менторство на професорките Кристина Битракова и Ангелина Дамјаноска-Наумоска, триесетина ученици од трета и од четврта година се љубопитни да дознаат повеќе за стоп-анимацијата и можноста со мобилен телефон да креираат филмско дело. Во соработка со Универзитетот за аудиовизуелни уметности ЕСРА од Скопје, на сите заинтересирани учесници на работилницата ќе им биде дадена стипендија за школување, која ќе подразбира намалување на трошоците за студирање за една третина, односно за 30 отсто. Нивните анимации ќе бидат прикажани на завршната вечер на фестивалот на 26 ноември во Кинотеката на Македонија.
„Преку апликација до стоп анимација“ – работилница за стоп анимација со мобилен телефон во домашни условиЛокација: Гимназија „Јосип Броз Тито“ – Скопје
Час: 11.45

Ако ги споредиме фантастичните креативни работи што можете да ги направите во вашето слободно време, стоп анимациите се веројатно најдобрите. Неописливо е чувството, подеднакво и за децата и за возрасните, да им се вдахне живот на неживите објекти. Можеме слободно да кажеме дека станува звор за магија. Правењето стоп анимација никогаш не било полесно од денес и тоа само преку апликации за вашите мобилни телефони.
Токму ваква работилница за правење стоп анимација со мобилен телефон организира „Мобил фестивал“ со аниматорот Крсте Господиновски. Роден во Скопје, Р. Македонија 1984 година. Дипломира на „Националната Ликовна Академија“ во Софија – Р. Бугарија отсек сликарство во 2006та, каде и магистрира во 2008ма. По дипломирањето работи на неколку анимирани филмови и рекламни спотови. Од 2009-та е назначен за доцент и раководител на катедрата за анимација на „Универзитетот за аудиовизуелни уметности ЕСРА“ а од 2015 и на Филмската Академија при „УГД“. Се потпишува како автор на визуелните ефекти на домашни и меѓународни филмови, како „Митот за Сара“, „Деца на сонцето“, „Жената на мојот живот“, „Долу од рајот“ итн., како директор на анимација на „Кружно патување на Марето“, „Кружно патување на монахот“ итн. и како режисер на анимираниот филм „Готлиб“ и неколку други независни проекти и рекламни спотови.

 

Отворен повик за пријавување филмови за „Мобил Фестивал 2016“
Меѓународниот фестивал за филмови снимени со мобилен телефон „Мобил Фестивал“ објавува отворен повик за пријавување филмови за седмото издание, кое ќе се одржи од 15-ти до 26 ноември во Скопје. Право да се пријават имаат сите филмови кои се снимени со мобилен телефон кои не се подолги од 10 минути, а истите претходно не биле пријавени на претходните изданија на „Мобил Фестивал“. Во конкуренција влегуваат сите филмови кои ќе пристигнат до крајниот рок за пријавување – 20 ноември 2016 година. Филмовите можете да ги пријавите на следниот мејл mobilefestkonkurs@gmail.com.
Селектираните филмови ќе влезат во конкуренција за следните награди:
-Награда за најдобар филм „Ратка Илиевска- Лале“,
-Награда за најинвентивен филм
-Награда за најоригинална приказна
-Награда за најдобра идеја
-Награда за најдобар филм во домашната програма Млади Таленти
Најдобрите филмови ќе бидат прикажани во натпреварувачка програма на Интернационалните фестивали кои се во мрежата фестивали за филмови снимени со мобилен телефон, а се во партнерство со „Мобил Фестивал“.
Организатор на „Мобил Фестивал“ е продуцентската куќа „КТ Филм и Медиа“. Фестивалот е поддржан од Агенцијата за филм на Република Македонија и од градот Скопје, а главен покровител годинава е „МЕПСО“ АД – Скопје.
Mobile Festival
Mobile FestivalThursday, April 27th, 2017 at 6:12pm
8 1    View on Facebook
Mobile Festival
Mobile FestivalSaturday, March 4th, 2017 at 12:55am
1    View on Facebook
Mobile Festival
Mobile FestivalFriday, March 3rd, 2017 at 9:22pm
1    View on Facebook
Mobile Festival
Mobile FestivalWednesday, December 14th, 2016 at 8:36pm
   View on Facebook
Mobile Festival
Mobile FestivalWednesday, December 14th, 2016 at 8:27pm
„Промоција на филм преку трејлер – Монтажа и специфики“ беше темата на работилницата што македонскиот монтажер Атанас Георгиев ја одржа на ФДУ во Скопје, во рамките на Синематик. Студенти од филмската акaдемија можеа да научат повеќе за трејлерите како форма која многу помага за промовирање на филмовите.

Online promotion of film trailers - Editing and Specifications was the topics of the workshop that Macedonian editor Atanas Georgiev had on the Faculty of Dramatic Arts in Skopje, as part of the Cinematic program. Students could learn more about trailers as powerful form that helps the film promotion.
   View on Facebook